Cong TV Levels Up the Payback Game Against Boss Keng

Makalipas ang halos apat na buwan, ginulat ng Team Payaman headmaster at content creator na si Cong TV ang mga manonood sa kanyang bagong YouTube upload.  

Tunghayan ang kwento sa likod ng kanyang comeback vlog at kung para kanino niya nga ba ito inaalay.

Cong’s Motivation

Muling ibinida ni Lincoln Velasquez, a.k.a Cong TV, ang bangis sa pagbuo ng kwento sa pamamagitan ng pagpapasilip ng  mga tagpo sa kanilang Japan adventure noong nakaraang Pebrero.  

Subalit, ang kwento nito ay tila paghihiganti rin pala sa kapwa TP member na si Exekiel Christian Gaspar, a.k.a Boss Keng, na unang bumisita sa Japan bandang Disyembre ng nakaraang taon. 

“Few months ago, pumunta si Boss Keng sa Japan. Wala siyang ginawa kundi mang-inggit. The thing about me is ayokong nalalamangan. Kaya, Boss Keng, ang buong vlog na ito ay inaalay ko sa’yo,” ani Cong TV.

5 Stages of Payback

Sa unang lebel ng kwento ng paghihiganti ni Cong, tinawag niya itong ‘Opening’ kung saan panay pamilyar na mga gawain sa Japan lang ang kanilang ginagawa kagaya ng pagbisita sa Legoland kasama ang anak na si Kidlat.

Sinundan naman ito ng mga lebel na tinatawag na ‘Development’ at ‘Middle Game’ na binubuo ng mga karaniwang pranks ng TP Wild Dogs sa isa’t isa pati na rin ng kanilang karanasan sa isang racing circuit at ski resort.  

Ang ika-apat na lebel naman ay ang ‘Tactical Sacrifice’ kung saan nasubok ang tapang ng TP Wild Dogs pati na rin ng YKulba sa mga buwis-buhay na aktibidad katulad ng bungee jumping. 

At ang pinakahuli naman ay ang ‘Endgame’ kung saan mismong si Cong TV ang sumabak sa extreme skydiving.

“Sino mas masarap ngayon ang Japan sa ating dalawa? Paano mo lalampasan ‘yan ngayon, Boss Keng?,” tanong naman ni Cong matapos ibida kay Keng ang kanilang mga naging aktibidad.

Abangan natin ang susunod na kabanata sa namumuong vlog wars na ito.

Watch the full vlog below: