Malupiton Officially Ties the Knot with His Longtime Girlfriend Joy Ancheta

Matapos ang mahigit isang dekadang pagmamahalan, opisyal nang ikinasal ang internet personality na si Joel Ravanera, a.k.a “Malupiton”, sa kanyang longtime girlfriend na si Joy Ancheta. 

Ang kanilang kasal ay ginanap nitong Sabado, May 24, 2025, sa isang intimate garden-themed wedding na dinaluhan ng kanilang pamilya at mga malalapit na kaibigan.

Officially Mr. and Mrs Ravanera

Matatandaang Disyembre 2024 nang ibahagi ni Joel Ravanera, a.k.a Malupiton, sa kanyang vlog ang kanyang surprise proposal na ginanap sa Taiwan.

Bago pa man sumikat bilang Malupiton nasa likod na ni Joel ang nobyang si Joy bilang kanyang number one supporter.

Ayon kay Joel, si Joy ang kanyang naging matatag na sandigan sa likod ng kamera, lalo na noong nagsisimula pa lamang siya sa mundo ng social media.

Sa isang Facebook post, ibinahagi ni Joel ang kanilang Same Day Edit (SDE) video na tampok ang emosyonal at masasayang sandali mula sa seremonya.

Hindi rin nawala ang signature humor ni Malupiton sa kanilang pre-ceremony shoot. Sa mga kuha bago ang mismong kasalan, makikita ang masayang paghahanda ng groom kasama ang kanyang entourage.

Bagama’t hindi ibinahagi ang buong detalye ng okasyon, makikita sa mga larawang lumabas online ang emosyonal at makabuluhang pag-iisang dibdib ng dalawa.

Congratulatory Messages

Samantala, bumuhos naman ang pagbati mula sa netizens para sa bagong kasal. Marami ang naantig sa kanilang istorya at humanga sa mahabang panahong pinagsamahan ng dalawa bago tuluyang ibigay ang kanilang mga matatamis na “I Do!”.

Ven Segurigan: “Lakas, boss. Mga influencer [ang] nandiyan tsaka mga ibang vlogger. Napaka solid, boss. Best wishes talaga sa inyo. Congratulations [to the] both of you, Bossing. Nawa’y patuloy kayong gabayan ng Poong Maykapal.”

Dioby Anne Pangilinan Rentosa: “Congratulations, Ms. Joy and Bossing.”

Eddy Matabuena: “Congratulations, Bossing! Sana forever na ‘yan sa iyong ‘buhay-buhay’.”