Kung matagal ka nang solid sumusubaybay sa Team Payaman vlogger na si Viy Cortez Velasquez, alam mong OG fangirl siya ng King of Pop na si Michael Jackson.
Sa kauna-unahang pagkakataon, ibinahagi nito ang kanyang karanasan sa nagdaang Michael Jackson tribute concert nitong nakaraang linggo.
Sa kanyang latest reel upload, dinala ipinasilip ni Viy Cortez-Velasquez ang mga tagpo sa isinagawang tribute concert para sa yumao nitong idolo na si Michael Jackson.
Ang nasabing concert ay hindi lamang simpleng event para kay Viviys, kung hindi isang nostalgic fangirl moment.
Kwento niya, nagsimula ang lahat dahil sa kaniyang tatay na si Rolando Cortez o Papa Wow, na mahilig magpatugtog ng MJ songs sa bahay. Doon unti-unti niyang nakilala si MJ, hindi lang sa music kundi pati na rin sa buong buhay nito.
“Tapos meron pa ‘yong pinakamalupit na naalala ko, noong nawala siya, gumawa ako ng diary,” ani Viviys.
“Nandoon ‘yung compilation ng pictures niya. Ngayon, ‘yung nararamdaman ko napakasakit, nawala na… tapos pinapatak ko pa ‘yong luha ko doon,” kwento pa niya.
Noong nalaman ng 28 anyos na vlogger na magkakaroon ng tribute concert para sa kanyang iniidolo, agad siyang na-excite. Ang ilan din sa kaniyang mga tagahanga ay siya ang naisip nang makita ang concert promotion.
Kaya naman nang surpresahin siya ng kanyang asawa na si Lincoln Velasquez, a.k.a Cong TV ng concert tickets, abot langit ang tuwa ni Viviys.
Matapos makaramdam ng tuwa dala ng kanyang karanasan sa kanyang first-ever Michael Jackson concert experience, napagdesisyunan ni Viviys na mamili ng isang lucky fan na kanyang bibigyan ng libreng ticket upang makapanood ng concert.
“Habang nabubuhay pa mga idol nyo, manood kayo ng concert nila. Ako hanggang sa mga ganito na lang. Pero feeling ko siya ‘yan,” caption niya. “Sino idol nyo? Mamimili ako ng isa na ililibre ko ng concert sa idol nila,” ani Viy sa kanyang Facebook post.
Marami ang natuwa sa pag-abot ni Viy ng isa sa kanyang mga pinapangarap, kung kaya’t marami rin ang nagbakasakaling mapili silang mabigyan ng pagkakataong mapanood ng live ang kanilang iniidolo.
Ikaw na kaya ang lucky fan, Kapitbahay? Comment na!
If your skincare shelf is crowded with too many bottles, it is time to simplify.…
Walang hanggang katatawanan ang hatid nina Viy Cortez-Velasquez, Rana Harake, Jelai Andres, at Sachzna Laparan…
Buong galak na ibinahagi ng bunsong kapatid ni Viy Cortez-Velasquez na si Yiv Cortez ang…
Pinahanga ng Team Payaman girls na sina Vien Iligan-Velasquez at Aki Angulo-Macacua ang kanilang mga…
Paalam na nga ba sa Team Payaman Motoclub? Ito ang katanungang iniwan ni Boss Keng…
Isang masayang collaboration vlog ang masayang pinagsamahan ni Euleen Castro o mas kilala bilang Yobab…
This website uses cookies.