Sa panibagong episode ng VIYahe Tayo, isa na namang masayang adventure at dagdag-kaalaman ang hatid ng Viyline Media Group, sa ilalim ng pamumuno ng YouTube Vlogger at CEO na si Viy Cortez-Velasquez.
Kasama ang ilang Team Payaman members, masusing tinalakay ng grupo ang kasaysayan, kultura, at turismo ng Caliraya at Cavinti sa probinsya ng Laguna, Philippines.
Ang travel vlog na ito ay nahahati sa tatlong bahagi—Heart, Spirit, at Mind—na nagpapakita ng iba’t ibang aspeto ng Caliraya.
Sa unang bahagi, tinalakay ang kasaysayan ng Caliraya Lake—mula sa pagiging isang artipisyal o man-made lake hanggang sa pagiging hydroelectric source na nagbibigay ng kuryente sa South Luzon. Ibinida rin kung paano ito naging kilalang “Bass Fishing Capital of the Philippines.”
Upang higit na maunawaan ang yaman ng lugar, tampok sa nasabing vlog ang mga panayam mula sa mga lokal na residente na nagbahagi ng kanilang kaalaman at karanasan tungkol sa Caliraya.
Ang ikalawang bahagi ay nakatuon sa kultura at tradisyon ng Cavinti. Dito, ipinakita ang husay ng mga kababaihang naglalala ng Pandan—isang simbolo ng yaman ng Cavinti pagdating sa sining at tradisyon.
Bukod sa pagpapakita ng kultura, tampok din ang mga makasaysayang lugar tulad ng Cavinti Falls, Cavinti Underground Crave, at Bumbungan Ecopark, na siyang game na game na binisita nina Kevin Hermosada at Abigail Campañano-Hermosada.
At ang panghuli, itinampok ang Caliraya Mountain Lake Resort—kung saan naganap ang ang Team Building at Kickstart Party 2025 ng Viyline Group of Companies.
Ipinakita ang ilan sa mga ipinagmamalaki nito, kabilang ang magagandang kwarto, masasarap na pagkain, at iba’t ibang indoor and outdoor activities tulad ng watersports at team-building activities para sa mga pamilya at magbabarkada.
Sa panayam kay Mr. David Du, ang General Manager ng Caliraya Mountain Lake Resort, binigyang-diin niya ang kahalagahan ng pagbuo ng magagandang alaala kasama ang mga mahal sa buhay.
“We build the place for people to build memories,” ani Mr. Du.
Samantala, nakatanggap naman ng iba’t ibang reaksyon mula sa netizens ang pangalawang episode ng travel vlog ni Viy Cortez-Velasquez kasama ang kanyang team.
@jhoyagoya7366: “Thank you, Viy! For reading our comments. Bagay na bagay talaga sayo ‘yung ganitong content. Mas lalawak ‘yung kaalaman niyo at namin na rin.”
@russangallero2176: “Grabe nakaka bilib ka na naman! The best mag negosyo tapos ang galing pang mag host. Ka level muna iyong mga travel anchor sa GMA. Galing talaga! Napahanga mo na naman ako.”
@SARU: “Ganda ng production value. Good job, Viyline Media Group. tapos ‘yung paggamit ng VIY TV… witty!”
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.