Rana Harake Throws A Spectacular 6th Birthday Celebration for Niesha

“Seeing your child happy is one of the best feelings in the world.”

Iyan ang pinatunayan ng soon-to-be-mom of two na si Rana Harake sa kaniyang bagong YouTube vlog.

Ipinasilip niya ang naging paghahanda para sa ika-anim na taong kaarawan ng panganay niyang si Raniesha Harake Enriquez.

Niesha’s 6th birthday

Kwento ni Rana, ang kanilang inihandang birthday celebration para sa anak ay nagsilbing advanced birthday gift ng mga ito bago lumipad pa-America ang kaniyang fiance na si Antonio Enriquez II.

Naglaan ng oras ang magkasintahan upang tuparin ang request ng anak na ipagdiwang ang kaniyang kaarawan sa isang indoor playground, kung saan inimbitahan nila ang kanilang mga malalapit na kaanak, kaklase, at mga kaibigan ni Niesha.

“I want [a] Kidzoona party,” request ni Niesha.

Dagdag na kwento ni Rana, ideya rin ni Niesha ang pagkakaroon ng Gabby’s Doll House-themed party na kanila ring tinupad.

“Siya ang may birthday pero parang di niya na-enjoy kakatunganga dito sa Gabby’s Doll House cake niya,” biro ni Rana.

“Sobrang tagal, 6 years old na si Niesha, ngayon lang siya nahilig sa dolls. Mga laruan niya more on panlalake and sea animals. Ngayon, medyo nagdadalaga na ‘yung anak ko so I’m so happy,” dagdag pa niya.

Datapwat bawal magpagod ang buntis na si Rana, makikita sa vlog kung paano nag-enjoy ang mga parents sa iba’t ibang aktibidad sa nasabing indoor playground.