Sa mundo ng social media, hindi maiiwasang maipagkumpara ang iba’t-ibang personalidad, partikular na sa grupo ng Team Payaman.
Matapang na hinarap nina Viy Cortez-Velasquez, Vien Iligan-Velasquez, at Pat Velasquez-Gaspar ang usapin patungkol sa pagkukumpara sa mga ito.
Sa unang episode ng Offbeat ng Team Payaman vlooger na si Viy Cortez-Velasquez, isa ang usaping “kumparahan” sa mga nabigyan nila ng pansin.
“Marami ang nagco-compare sa atin sa social media… sa pagiging magulang, sa lifestyle, pagiging asawa, looks, lahat nacocompare tayo,” bungad ni Viviys.
Dahil isa ito sa mga patuloy na nababasa ng tatlo online, hiningi ni Viy ang mga komento ng kanyang kapwa Team Payaman members.
Agad na nilinaw ng maybahay ni Junnie Boy na si Vien Iligan-Velasquez na walang katotohanang mayroong isyu ang bawat miyembro ng Team Payaman sa isa’t-isa.
“Guys sa totoo lang, para sabihin ko sa inyo, never pa kami nag-away. Mine-maintain din kasi namin ‘yung friendship namin na pangmatagalan,” dagdag ni Viy.
Ibinida rin ni Pat Velasquez-Gaspar na kailanma’y hindi nawawala ang pag-adjust at pagrespeto sa isa’t-isa.
“Nagmi-meet kami halfway. Hindi ‘yung kung ano ang gusto ng isa [‘yun ang susundin]. Kami, alam namin ‘yung boundaries ng isa’t-isa” ani Pat.
Dagdag pa ni Pat, kapatid na rin ang turing niya sa kanyang mga hipag, dahilan upang hindi mamuo ang inggit o sama ng loob. Aniya, nagsisilbing inspirasyon sina Vien at Viy para sa kanya bilang kanyang mga “ate.”
Hindi rin maipagkakaila na madalas makatanggap ng mga negatibong komento si Viy pagdating sa kanyang mga hitsura at pagiging isang content creator.
“Masakit ho sa akin na may nasasabi kayo kay Viy kasi ‘di talaga okay ‘yon. Sa sobrang inis ko, ayokong nakakakita ng mga panlalait kay Viy,” ani ni Vien.
“Sabihin n’yo kung ano ‘yung gusto n’yong sabihin, basta kami, alam namin ‘yung totoo!” dagdag ni Pat.
Para naman kay Viy, “Hindi kami naapektuhan sa mga ganyan dahil alam namin kung anong buhay ang mayroon kami.”
Watch the full vlog below:
Matapos ang naging tampuhan ng mag-asawang sina Cong TV at Viy Cortez-Velasquez, agad itong napalitan…
Big family fun is set to arrive as the official ticket selling for TP Kids…
Kung ang hanap mo ay Korean-inspired merienda na swak sa budget at kayang gawin sa…
Isang hindi malilimutang karanasan ang ibinahagi nina Mommy Vien at Daddy Junnie matapos nilang makisaya…
“Made for every shape of her” Motherhood changes everything — your body, your routine, even…
Ibinahagi ni Viy Cortez-Velasquez sa kanyang bagong vlog ang mga tagpo sa nagdaang first birthday…
This website uses cookies.