Isang hindi inaasahang bridal shower ang sumalubong sa soon-to-be bride na si Viy Cortez, handog ng kaniyang mga kapatid, kaibigan, at kapwa vloggers mula sa Team Payaman.
Matatandaang lumipad patungong Thailand ang 27-anyos na vlogger at entrepreneur para sa kaniyang kauna-unahang international endorsement shoot.
Pero lingid sa kaniyang kaalaman ay sumunod pala ang buong Team Payaman girls sa nasabing bansa para isurpresa si future Mrs. Velasquez.
Una nang binigyan ng surpresang bridal shower si Viy Cortez ng kaniyang mga high school bestfriends kamakailan lang.
Ang bridal shower ay ginagawa upang “paulanan” ng mga regalo, wedding tips, at advice ang soon-to-be bride bago ito pumasok sa buhay may asawa. Karaniwan itong hinahanda ng mga kapatid at malalapit na kaibigan ng bride.
Sa isang Facebook post, ibinahagi ni Viviys ang kasiyahan sa surpresang hatid ng kaniyang mga kaibigan. Hindi aniya nito inakala na sa ibang bansa pa siya magkakaroon ng bridal shower.
“Hindi ko inakala na ganito ako ka halaga sa inyo para surpresahin dito sa Thailand at mag bridal shower. Ilang beses ako umiyak sa saya! Mahal na mahal ko kayo sobrang sobrang saya ko,” ani Viy Cortez.
“‘Di nyo alam pano nyo ko napasaya,” dagdag pa nito kaakibat ang video ng nasabing surpresa kung saan kitang-kitang halos maiyak ito sa tuwa nang makita ang mga kaibigan.
Hindi naman pinalampas ng Team Payaman Wild Cats ang pagkakataon na sabihin kay Viy kung gaano nila ito kamahal, kung kaya talaga namang deserve nito ang isang pangmalakasang bridal shower sa Thailand.
Tita Krissy Achino: “Success ang plano!!! We love u Sis!!! Sana napasaya ka namin at sana natuwa ka sa Bridal Shower namin for youuu. Mwahhh!!! Walwalan naaa!!!”
Abigail Campañano-Hermosada: “Love youuuuu sis!! deserve mo yan!”
Biro naman ni Pat Velasquez-Gaspar: “Hirap na hirap kaming magtago dito sa Thailand! Muntik na kaming magpanggap na tindera kung makasalubong ka. Haha”
Samantala, isang madamdaming Facebook post naman ang hatid ng nakatatandang kapatid ni Viy na si Ivy Cortez-Ragos.
“Imposible… pero ginawang posible para sayo kapatid!” ani Ate Ivy.
“1st punta namen ni Yiv sa ibang bansa. 1st sakay ng Airplane ay para sayo kapatid! Nung sinabe ng TP girls na Thailand ang bridal shower… napaisip talaga kamiiiii ni Yiv kasi syempre ibang bansa! pero sabe namen… bahala naaaa. Go kamiii para sayo! LOVE kanamen Viy!” dagdag pa nito.
Nakatakdang ikasal si Viy Cortez sa kaniyang longtime boyfriend at kapwa YouTuber na si Cong TV ngayong taon.
Abangan ang mga behind-the-scene ng nasabing surprise bridal shower sa Thailand sa YouTube channel ng Team Payaman girls.
Sa kanyang pinakabagong mini-vlog, ipinasilip ni Ate Ivy Tumbaga Cortez-Ragos ang naging pagbisita ng…
Whether you're heading to the pickleball court, squeezing in a quick workout, or simply embracing…
As more consumers look for convenient ways to prepare their daily cup of green tea,…
Isang kwelang Kitchen Wars serye episode ang hatid ni Viy Cortez-Velasquez kasama ang PBB Gen…
Fresh-smelling hair, softer strands, and easier wash days—these are just some of the things parents…
The Viyline Group of Companies extends its warmest congratulations to the Baao Children and Youth…
This website uses cookies.