Ibinahagi ng Luxe Beauty and Wellness CEO na si Anna Magkawas ang mga pinagdaanan nito sa kanyang Rhinoplasty surgery sa isang bagong YouTube vlog.
Ibinahagi ni Anna na kasabay ng selebrasyon ng International Women’s Day noong March 8, 2024 ay nakatakda rin siyang magpa-ayos ng ilong.
Kwento ng 36-anyos na vlogger at entrepreneur, inabot ng halos anim na oras ang kanyang operasyon sa Belo Medical Plaza sa Makati City at nakauwi siya ala una na ng madaling araw kinabukasan.
Matapos ang operasyon, ibinahagi ni Anna ang mga kaganapan sa pitong araw na paghilom ng kanyang bagong ilong – bago ang susunod na nakatakdang appointment sa doctor para tanggalin ang kanyang nose cast.
Sa unang araw, ipinakita ni Anna kung paano n’ya ipinaliwanag ang isinagawang operasyon at mga benda sa mukha sa kanyang mga anak na sila Chanel, MK, at MJ.
Noong ikalawang araw naman, kasabay ng unti-unting pamamaga ng mukha at kinuwento ni Anna kung bakit hindi niya itinuloy ang balak din sanang Chin Augmentation.
Sa limang araw na bawal maligo at tanging wipes na lang ang kasangga sa paglilinis ng mukha, buhok, at katawan, kinuwento ni Anna na halos hindi na siya lumalabas ng bahay at maging ng kwarto.
Bagamat hindi na rin aniya siya nakikipagkita sa staff sa kanyang kumpanya, tuloy pa rin ang trabaho sa pamamagitan ng online meetings.
Samantala, nag-iwan naman si Anna ng mensahe para sa mga katulad n’ya na naghihintay lang ng sign para ituloy ang planong magpa-Rhinoplasty: “Kung sa tingin ko mas maboboost ko ‘yung self-confidence ko, kayo ganyan, gawin natin, basta buo ‘yung loob.”
Sa isang Facebook reel, nagpasalamat din si Anna sa mga patuloy na sumusuporta sa kanya sa desisyon na magpagawa ng ilong na pinagisipan at pinaghandaan niya ng halos isang taon.
“It’s a big decision for me, and I know this will help me improve my self-confidence.”
Masaya naman daw si Anna sa kanyang desisyon at kasalukuyang healing journey, kung kaya hinikayat din nito ang kanyang fans na abangan ang grand reveal ng bagong ilong sa part 2 ng kanyang rhinoplasty journey vlog.
Watch the full vlog here:
Recognizing that those who serve others often carry the heaviest emotional burdens, the Strong Mind…
Matapos ang naging tampuhan ng mag-asawang sina Cong TV at Viy Cortez-Velasquez, agad itong napalitan…
Big family fun is set to arrive as the official ticket selling for TP Kids…
Kung ang hanap mo ay Korean-inspired merienda na swak sa budget at kayang gawin sa…
Isang hindi malilimutang karanasan ang ibinahagi nina Mommy Vien at Daddy Junnie matapos nilang makisaya…
“Made for every shape of her” Motherhood changes everything — your body, your routine, even…
This website uses cookies.