Dahil nalalapit na ang inaabangang kasal ng taon, ibinahagi na ng soon-to-be bride na si Viy Cortez ang paghahanda nila ng fiancé nitong si Cong TV para sa kanilang kasal.
Alamin ang mga naging katuwang ng Team Payaman power couple para maisakatuparan ang kanilang dream wedding.
Sa kanyang bagong TikTok video, sinagot ni Viy Cortez ang tanong tungkol sa kanyang inaabangang pagpapakasal sa Team Payaman head na si Cong TV.
“Kelan po kasal? Share naman your wedding preps,” ani isang netizen.
Bagamat hindi pa inaanunsyo kung kailan ang kasal ng dalawa, ibinahagi na lang ni Viviys ang mga hakbangin nila sa paghahanda bago ang kanilang “big day.”
“Malapit na malapit na ang wedding!” bungad nito.
Labis ang pasasalamat ni Viy sa wedding planner nitong si Princess Anne Ramos ng Events by Miss P, na s’ya ring nag-organisa ng kaarawan ni Kidlat (July 2023), pati na rin ng ika-18 na kaarawan ng kanyang bunsong kapatid na si Yiv Cortez (April 2022).
“Mas nadalian kaming mag-asikaso ng wedding [dahil kay Miss P]. Ang laking tulong talaga kapag mayroon kang coordinator. Miss P, thank you thank you so much!” pasasalamat nito.
Ayon pa sa 27-anyos na vlogger at businesswoman, plantsado na rin ang mahahalagang detalye ng kasal gaya ng simbahan at reception venue.
“Konting details na lang yung kailangan namin para dito sa kasal,” masayang kwento ni Viy.
Ayon kay Viy Cortez, silang mag-asawa na lang ang kailangan pa ng puspusang paghahanda para sa kasal, partikular na sa kanilang pisikal na pangangatawan.
Hindi lingid sa kaalaman ng lahat na una nang sinimulan ni Cong TV ang pagpapalaki at pagpapaganda ng kanyang pangangatawan.
“Kasi si Cong, kung makikita n’yo lang ‘yung pagda-diet n’ya, grabe ‘yung pagpapalaki n’ya ng katawan,” kwento ni Viy.
Samantala, pag-inom naman ng Lumi 24H Glutathione Capsules ang kasangga ni Viviys para sa paghahanda ng kanyang blooming at healthy skin para sa kasal.
“So umiinom ako ng white capsules sa umaga at pink capsules sa gabi dahil syempre sa kasal ko gusto ko pantay ‘yung kulay ko para naman pakak na pakak ako sa mata ng magiging asawa ‘ko, ‘di ba?”
Manatiling nakatutok sa VIYLine Media Group para sa iba pang kaabang abang na detalye ng kasalang Cong TV at Viy Cortez.
Whether you're heading to the pickleball court, squeezing in a quick workout, or simply embracing…
As more consumers look for convenient ways to prepare their daily cup of green tea,…
Isang kwelang Kitchen Wars serye episode ang hatid ni Viy Cortez-Velasquez kasama ang PBB Gen…
Fresh-smelling hair, softer strands, and easier wash days—these are just some of the things parents…
The Viyline Group of Companies extends its warmest congratulations to the Baao Children and Youth…
May hatid na pasilip ang former Team Payaman editor na si Agabus Maza sa kanyang…
This website uses cookies.