Team Payaman’s Pat and Keng Prove Date Nights Matter For New Parents

Hindi lang tuwing Valentine’s Day dapat ipakita ang pagmamahal mo sa isang tao, kundi araw-araw, at ‘yan ang pinatunayan ng mag-asawang Boss Keng at Pat Velasquez-Gaspar.

Alamin kung paano nga ba magkakaroon ng masaya at hindi malilimutang date night ang mag-asawa at first-time parents gaya nina Boss Keng at Pat!

Small Celebrations

Matatandaang kamakailan lang ay ipinagdiwang ng mag-asawang Boss Keng at Pat ang kanilang monthsary kahit pa sila ay kasal na. 

Para sa kanilang monthsary ngayong Pebrero, ibinahagi ni Boss Keng sa kanyang vlog ang naging simpleng selebrasyon nila ni Mrs. Gaspar. 

Isa sa hindi mawawala sa kanilang date night ay ang kwentuhang mag-asawa tungkol sa panganay nilang Isla Patriel, a.k.a Baby Isla, na ngayon ay pitong buwan na.

“Nakakapagod s’ya [mag-alaga ng bata], pero pagod na masarap,” kwento ni Mommy Pat.

Dinala ni Boss Keng ang kanyang misis sa isang restaruant na hindi pa nasusubukan ni Pat, dahilan upang lalo nitong ikatuwa ang kanilang date night.

Babe Time

Dahil kilala na si Boss Keng sa paghahanda ng surpresa para sa kanyang misis, minabuti ni Pat na bumawi sa kanyang mister ngayong Valentine’s Day. 

Ipinasilip ng first-time mom sa kanyang bagong vlog ang pagyaya niya kay Boss Keng sa isang masayang Valentine’s Date.

Ani Pat, nais niyang bumawi sa mga surpresa ni Boss Keng sa kanilang nagdaang mga selebrasyon. 

Hindi pumayag si Pat na simple lang ang kanilang selebrasyon, kaya naman nilagyan n’ya ito ng twist at pinabunot ng papel si Boss Keng na magdidikta ng kanilang Valentine’s Date.

Habang kumakain, muling binalikan ng dalawa ang ilan sa kanilang mga masasayang alaala kagaya na lang ng pagdiriwang ng kaarawan ni Pat.

“Mayroon akong isang date natin na hindi ko talaga makakalimutan, yung birthday ko, tas nag-cutting ka [sa school],” kwento ni Pat.

Hindi rin pinalampas ni Boss Keng na surpresahin ng isang sakong bigas at diaper supply ni Isla ang kanyang misis dahilan upang mas lalo itong matuwa.

“Taray! May pa-diaper at bigas! Very practical!” biro ni Pat.

Tinapos ng dalawa ang kanilang date night sa isang masayang KTV bonding. 

Watch the vlogs below: