Isang panibago at masayang challenge na naman ang hatid sa atin ng Team Payaman Game Master na si Boss Keng.
Sa pagkakataong ito, hinamon ni Boss Keng ang misis niyang si Pat Velasquez-Gaspar kapalit ng isang brand new iPhone 15 Pro Max. Nagtagumpay naman kaya si Mrs. Gaspar?
Sa kanyang bagong vlog, ibinahagi ni Boss Keng kung papaano nito hinamon ang asawang si Pat Gaspar sa isang dance challenge.
Para mas ganahan ang misis, inibunyag ni Keng na sa oras na mapagtagumpayan nila ang hamon ay isang surpresang regalo ang naghihintay para sa kanya.
“Pag nagawa namin ‘to, bibigyan kita ng iPhone 15,” ani Boss Keng.
Agad pinakita ni Keng ang video mula sa TikTok na may mag-pares na nagsasayaw kung saan buhat ng lalake ang babae habang kumekembot ito na animo’y sirena.
Hindi naman tinanggihan ni Pat ang hamon ang sinimulang mag ensayo ng kanyang pag kembot.
“Challenge accepted. Kasi yung core ko, talagang pinapatibay ko ‘tong core ko,” pagbibida ni Pat.
“Kaya mo ba ko? Nakabuhat ka na ba ng 67 kilos?” tanong nito sa mister.
Pero bago tuluyang gawin ang challenge, siniguro muna ng mag-asawa na mahimbing ang tulog ng kanilang panganay na si Isla Patriel.
Pinangalanan nila ang nasabing challenge bilang “Buhatin mo ako, beybe! Pero ‘wag mo gisingin ang beybe ko!”
Halos maka ilang subok sina Boss Keng at Pat Gaspar at walang nagawa kundi magtawanan sa kanilang kalokohan. Pero sa kabila ng tawanan ay mahimbing pa rin ang tulog ni Isla.
Sa huli ay nagtagumpay naman ang dalawa sa kanilang misyon at buong pusong iginawad ni Boss Keng ang ipinangakong brand new cellphone sa kanyang misis.
“Here’s your iPhone 15 Pro Max 1TB fully paid,” ani Boss Keng.
“Grabe, every year updated yung iPhone ko. Thanks to Mobile Cart Ph!” dagdag naman ni Pat.
Watch the full vlog below:
Game na game na ipinakilala ni Chino Liu ang sarili pati na rin ang iba’t…
Isang mabilis na balik-Hong Kong trip ang naging laman ng kauna-unahang vlog ni Genggeng sa…
Mula sa paghahanap ng trabaho hanggang sa pagbebenta ng mga personal na gamit, sinubukan nina…
First-time attendees are in for an exciting surprise as Viyline Group of Companies gears up…
Muling nagbabalik si Viviys sa kanyang old vlogging style kung saan mas personal ang mga…
Matapos ang walang tigil na paghiling sa kanilang mga magulang, tinupad na nina Daddy Keng…
This website uses cookies.