Muling pinatunayan nina Cong TV at Viy Cortez na sila pa ring ang hari at reyna ng YouTube Philippines! Ito ay matapos ang back-to-back top trending ng kanilang latest vlogs na may kinalaman sa kanilang bagong bonding, ang pagmomotorsiklo.
Matapos surpresahin ng 26-anyos na vlogger at VIYLine CEO ang kanyang longtime boyfriend, sabay nang nagsanay ang soon-to-wed couple para mapanatiling ligtas ang kanilang mga biyahe.
Sa bagong vlog ni Viy Cortez, ipinakilala nito ang kanyang bagong kaagapay sa pagmomotorsiklo, si Blackie. Ang bagong motor ay isang all-black Honda Rebel 1100 na ipinakilala bilang kapatid ng kanyang Kawasaki Ninja 400.
Sa oras ng pagsulat ng balitang ito ay pumalo na sa higit 1.3 million ang views ng nasabing vlog ni Viviys na agad sumampa sa Top 2 Trending sa YouTube Philippines higit 15-oras matapos itong i-upload.
Sa nasabing vlog, ipinakita rin ni Viy ang kauna-unahang pagkakataon na lumabas ito upang mag ride kasama si Cong TV at Junnie Boy.
“Sobrang saya kagabi, Greenie! Nailabas na rin kita, nakaka tambike na rin kami! Gusto mo pa ng kapatid?” ani Viy Cortez.
Samantala, Top 1 Trending naman sa YouTube Philippines ang latest vlog ni Cong TV na pumalo na sa 2.2 million views.
Dito namanipinakita ni Cong ang pagsasailalim ng Team Payaman Moto Club sa dibdibang Group Management Riding Course.
Dinala ng 31-anyos na batikang vlogger ang buong grupo sa Motorclyde Training Center sa Batangas upang pag-aralan ang iba’t-ibang riding techniques at pagpapanatili ng kaligtasan sa tuwing bumabiyahe kasama ang malaking grupo.
“Imposible ang ‘ride safe’ kung hindi niyo alam ang ride safety. Masayang mag motor, oo, pero delikado rin ito,” ani Cong TV.
Ayon kay Cong, nagpasiya siyang mag enrol sa nasabing riding course upang masiguro ang kaligtasan ng lahat, lalo na ang mga bagong lady rider sa kanilang grupo na sila Viy Cortez, Vien Iligan-Velasquez, at Pat Velasquez-Gaspar.
Watch Cong and Viy’s trending vlogs below:
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.