Kamakailan lang ay itinampok sa isang music video ang acting skills ng ilang Team Payaman members. Bumida ang mga ito sa “Gusto” music video nina Zack Tabudlo at Al James.
Matapos ang isang buwan, ipinasilip na ni Kevin Hermosada ang ilan sa mga behind-the-scenes ng nasabing collaboration ng Team Payaman at ni Zack Tabudlo.
Sa bagong vlog ni Kevin Hermosada, sinama nito ang mga manonood sa kanilang shooting ng music video ni Zack Tabudlo at Al James.
Ibinahagi nito na kapitbahay nila si Zack, at pabirong sinabing hindi man lang daw siya inabisuhan ng mga kasama na oras na para umalis.
“Si Zack naman kapitbahay lang, ‘di mo man lang kami sinabay idol!” biro ni Kevin.
Nangangamba naman si Steve Wijayawickrama matapos itong takutin ni Kevin na pakakantahin sila isa-isa.
“Kantahin mo nga [yung Gusto],” ani Kevin
Sagot naman ni Steve: “‘Di ko nga alam eh!”
“Paanong ‘di mo alam, iisa-isahin tayo ‘dun!” panakot ni Kevin.
Excited na sina Kevin, Steve, at Carding dahil anila isang karangalan ang mapasama sa music video ng isang OPM artist.
“Tignan natin kung masasama talaga tayo sa music video ni Zack Tabudlo ‘no. Cameo nga lang ‘yung gaganapin namin ‘don pero okay na rin!” dagdag ni Kevin.
Pagdating sa location ay nakasama na nina Kevin sina Cong TV at iba pang Team Payaman boys na naghihintay na rin sa kanilang shooting.
Ayon kay Steve, inaasahan niyanng sampung segundo lang ang kanilang magiging exposure sa nasabing music video.
Nang bilangin ni Kevin, umabot lang dalawang segundo ang exposure ni Steve habang si Kevin at Carding naman ay umabot ng pitong segundo.
Ibinida naman ni Burong ang higit 20-seconds exposure nito dala aniya ng kanyang pangmalakasang OOTD.
“Par 20 seconds, best actor! 20 seconds, 2 days wardrobe!” biro ni Burong.
“Ang galing namin bumato ng popcorn guys ‘no? Grabe ‘yung experience talaga. Grabe, professional popcorn throwerist!” biro din pa Kevin.
Watch the full vlog below:
Bago isalang ang kanyang Baby Austin, sumangguni ang soon-to-be daddy na si Kevin Hermosada kina…
Isang hindi inaasahang surprise guest ang bumulaga sa Team Payaman member na si Dudut Lang…
As Viyline and Team Payaman Fair 2026: VIYond the Beat take the spotlight, a moving…
Team Payaman Fans, get ready for another exciting streetwear drop! Cong TV’s apparel brand, Team…
Isang nakakakilig na episode ang hatid ni Viy Cortez-Velasquez sa kanyang “Kusina Wars” vlog matapos…
Isang masayang food adventure ang hatid ni Mommy Viy Cortez-Velasquez kasama ang mga house angels…
This website uses cookies.