Team Payaman’s Mentos Recalls Overwhelming TP Fair Experience

Bagamat higit isang buwan na ang nakakalipas, hindi pa rin pinalampas ni Michael Magnata, a.k.a Mentos, na ibahagi ang kanyang kakaibang karanasan sa nagdaang Team Payaman Fair. 

Isa ang produkto ni Mentos na “Haring Bangus” sa mga negosyong itinampok sa Team Payaman Fair na ginanap noong March 8-12 sa SM Megamall Megatrade Hall. 

Hindi lang ang Belly Garlic, Belly Spicy, at Bangus Shanghai ang pinilahan ng mga tao sa Haring Bangus, kundi pati na ang tyansang makasalamuha si Mentos. 

TP Fair to motivation

Sa kanyang bagong vlog, ibinahagi ni Mentos kung paano ito naging punong abala sa paghahanda para sa TP Fair. 

Pero bukod sa pagbebenta ng Haring Bangus, sinuportahan din ni Mentos ang kanyang kapwa Team Payaman members sa pamamagitan ng pagbisita sa booth ng mga ito. 

Sa sobrang dami ng tao na nakiisa sa nasabing summer bazaar, umabot na sa punto na kinailangan ni Mentos magpahinga sa ilalim ng mesa ng kanyang booth dahil sa sobrang pagod. 

Ngunit sa kabila nito, ibinahagi ni Mentos na sobrang saya ng kanyang naging Team Payaman Fair experience. 

“Doon ko lang napatunayan yung mga taong nagmamahal at sumusuporta sayo,” kwento ni Mentos. 

“Imagine-nin mo, pipila ka, magti-tyaga ka sa pila para makapagpa-picture,” dagdag pa nito. 

Kwento pa ng driver-turned-vlogger at ngayon ay isa ng ganap na negosyante, hindi niya akalain na ganun kadami ang taong sumusuporta sa kanilang grupo. 

Dagdag pa nito, hindi rin niya lubos akalain na malaki na pala ang impact niya sa mga tao. Masaya aniya siya sa tuwing may nagsasabi na itinuturing siyang inspirasyon dahil isa raw syang klase ng tao na may pangarap sa buhay. 

“Na-motivate ako ng sobra kasi may na-touch pala akong tao, kaya sabi ko kahit ‘wag na kayong bumili, pila lang, kita-kita lang.”

Kaya naman labis labis din ang naging pasasalamat ni Mentos sa lahat ng taong sumuporta at nakisalamuha sa kanila sa Team Payaman Fair. 

Watch the full vlog below: