Abi Campañano Pranks Congpound Housemate with Ti Babi’s Kitchen’s Secret Ingredient

Bago tuluyang maging Mrs. Hermosada, isang nakakaaliw na baking/ prank vlog ang hatid ni Abigail Campañano sa kanyang mga manonood. 

Sa kanyang bagong vlog, ipinasilip ng ngayon ay misis na ni Kevin Hermosada kung paano nya pinagluto at pinatikim ang bagong cookie recipe sa mga kasamahan sa Congpound. 

Si Abi ang may ari at pastry chef ng Ti Babi’s Kitchen, isa sa mga negosyong itinampok sa nagdaang Team Payaman Fair sa SM Megamall Megatrade Hall. 

Double Chocolate Cookies

Excited na ipinasilip ni Abigail Campañano ang kanyang unang pagkakataon na ipagluto ang mga kaibigan sa Congpound, partikular na ang mga kasama sa Content Creator House. 

Ayon kay Abi, ang nasabing pagluluto ay magsisilbi ring taste test para bagong produkto ng Ti Babi’s Kitchen. 

“Kapag nagustuhan nila ay idadagdag natin sa menu ng Ti Babi’s Kitchen,” ani Abi. 

Matapos i-bake ang unang batch ng cookies ay agad itong tinikman nina Yow at Cyril.

“Ang sarap ng pagkakaluto ng Leche Flan na ‘to,” biro ni Yow.

Bagamat nasarapan ang mga kasamahan, pakiramdam ni Abi ay kailangan nya pang ayusin ang texture ng unang batch ng cookies.

The Cookie Prank

Samantala, sa kalagitnaan ng mga pagluluto ay naisipan ni Abi na i-prank ang mga taga titikim ng cookies. 

Sa tulong ni Clouie Dims ang mga Double  Chocolate Cookies ay nilagyan nila ng mga kakaibang palaman gaya ng siling pula at isda. 

Sari-sari naman ang naging reaksyon ng Team Payaman members ng tikman ang tinaguriang “Cookie’ng Ina.”

Joshua: “Bakit iba lasa? Bakit may sili?”

Cyril: “Ano ‘to? Red chocolate?”

Dudut: “Parang ang sarap mag kanin, ang anghang kasi!”

Samantala, halos hindi naman maipinta ang mukha ng kasintahan ni Abi na si Kevin ng makagat ang cookies na may palamang isda. 

“Ginawa mo naman kaming pusa!” ani Kevin. 

Watch the full vlog below: