Kaliwa’t kanan ang paandar ng ilan sa mga miyembro ng Team Payaman para sa nagdaang Araw ng mga Puso kasama ang kanilang mga mahal sa buhay.
Para naman sa mga single ngayong Valentine’s Day, isang surpresa ang hatid ng ilang TP Wild Dogs para sa nag-iisang Tita Krissy Achino, a.k.a Chino Liu.
Sa kanyang bagong vlog, ibinahagi ni Carding Magsino ang isang bagong kaalaman tungkol sa pag-ibig.
Matapos malamang single si Tita Krissy Achino ngayong Valentine’s Day, ibayong pag-iingat ang ipinabaon ni Carding rito.
“Alam mo ba na kailangan mong mag-ingat?” tanong ni Carding.
“Bakit?” sagot naman ni Chino.
“Kasi mayroong tinatawag na Takotsubo Cardiomyopathy o ang Broken-Hearted Syndrome. Isa siyang kundisyon na kung saan humihina yung muscles ng mga puso. Ang nangyayari, nagkakaroon ng ballooning effects kasi humihina yung heart!” pagpapaliwanag ni Carding.
Laking gulat ni Chino nang malaman na totoo ang trivia na hatid ni Carding na saktong sakto aniya para sa Valentine’s Day.
Matapos ang heart-to-heart talk nina Carding at Chino, napagdesisyunan ni Carding na humingi ng tulong sa ilang kasama sa bahay upang surpresahin ang kapwa Team Payaman member sa Araw ng mga Puso.
Kasabwat ni Carding sa nasabing plano sina Aaron Macacua(Burong), Kevin Hermosada, Pat Velasquez-Gaspar, Dudut Lang , at Cong TV.
“Ngayon magva-valentine’s tapos wala siya ka-date, gusto namin yung Valentine’s dadalhin namin sa kaniya! Magpe-prepare tayo ng dinner para sa kaniya” ani Carding.
Game na game namang nakiisa ang mga tauhan sa Congpound sa surpesang inihanda ni Carding para kay Chino.
“Gusto ko iparamdam sa kanya na hindi na n’ya kailangan ng special someone, nandito naman tayo palagi para sa kanya!” dagdag ni Carding.
Walang pag-aatubiling nagtulong tulong ang TP Wild Dogs sa paghahanda ng kanilang dinner date surprise para kay Chino.
Ilang sandali lang ay dumating na si Chino, at laking gulat nito sa kaniyang nadatnan sa bahay nina Cong TV.
“Parang pinagloloko n’yo ko ah?” biro ni Chino.
“Ang sabi mo, wala kang Valentine’s. Kaya yung Valentine’s dinala namin sayo kasi mahal ka namin!” panguna ni Carding.
“Mula sa mga pagpapasaya na ginagawa niya sa Team Payaman, sa pagmamahal mo sa amin, gusto lang naming sabihin sa’yo na handa kaming sumalo ng bala para sa’yo!” ani naman ni Cong TV.
Umagos naman ang luha ni Chino matapos masaksihan ang surpresang inihanda ng kanyang mga kaibigan.
“Wala man lalaking nagmamahal sa akin, nandiyan naman kayo parang mga kuya ko na. Wala kasi akong mga kapatid na lalaki kaya sa inyo ko nakukuha yung ganitong pagmamahal!” mensahe naman ni Chino.
Watch the full vlog below:
Vien Iligan-Velasquez is adding more stylish pieces to her wardrobe as she shares her latest…
Finding ways to encourage children to eat healthier can be a challenge for many parents,…
Between school, work, errands, and family activities, preparing healthy meals every day can be a…
The countdown to Team Payaman Fair 2026: VIYond The Beat just got even more exciting!…
As children grow more active and curious, keeping them safe during everyday activities becomes increasingly…
Panibagong milestone ang ipinagdiwang ng pamilya Velasquez-Gaspar matapos ang transisyon ng panganay na si…
This website uses cookies.