Isa na namang pangarap ni Team Payaman member Vien Iligan-Velasquez ang natupad kamakailan lang, ito ay ang pagrampa sa kanyang kauna-unahang fashion show experience.
Sa pamamagitan ng Shoepatos Custom Made Shoes by Doreen Odvina, naisakatuparan ang matagal nang pangarap ng 26-anyos na vlogger at entrepreneur.
Sa kanyang bagong vlog, ibinahagi ni Mommy Vien ang isang malaking oportunidad at proyekto na ginawa nya sa pagsisimula ng taong 2023.
Ayon sa TP Wild Cat na si Vien, personal na ginawa ng Shoepatos Custom Made Shoes na pagmamay-ari ni Doreen Odvina ang kanyang bridal shoes na ginamit noong kasal nila ni Junnie Boy.
“So ininvite tayo ni Ms. Doreen Odvina para sa kanyang 40th birthday, pero ang kanyang 40th birthday guys ay may magaganap na runway fashion [show]! Inimbitahan n’ya tayong maging model!” buong galak na kwento ni Vien.
Walang pag-aatubiling naghanda ang ngayo’y mother-of-two para sa kanyang kauna-unahang runway fashion show experience.
“Gusto ko talagang maging model. And ayun nga, tinupad ni Ms. Doreen, so hindi ko talaga tinanggihan!” dagdag pa nito.
Unang pinuntahan ni Vien ang Shoepatos Store upang sukatin ang gagamitin na sapatos sa kanyang pag-rampa.
Game na game ring sumabak si Mommy Vien sa rehearsals ng kanyang first runway modelling event.
Matapos ang rehearsals ay nagtungo na agad si Vien sa kanyang hotel room upang maghanda para sa kanyang big day. Diretso hair and makeup na rin ito bago tuluyang suotin ang kanyang outfit at footwear.
“Nakakahiya, ang daming mga models!” biro ni Vien.
Beautiful in white and knee-high bridal boots ang peg ni Mommy Vien sa kanyang runway look para sa Shoepatos fashion show.
Naging tagumpay naman ang unang fashion runway experience ng maybahay ni Junnie Boy at labis ang pasasalamat kay Doreen Odvina.
Ikinatuwa naman ng mga kaibigan, pamilya, at mga taga-suporta ni Vien sa pag-abot ng kanyang mga pangarap.
Pat Velasquez – Gaspar: “Congrats Vien, I’m so proud of you!”
J. A. M. B.: “Parang nung kelan lang sa vlog nila nila pat, viviys at tyang venice sinabi ni vien sinabe niya gusto niyang maging model. Ngayon natupad naaaaa! Congrats Viensters!!!”
Cher Donna Macaspac: “One of the best! One milestone was achieved you’re shining in the event Miss Vien! The new edit was wonderful and suits you well!”
Marchie Abegail Joy Velez: “Pretty Momma 🌸 Parang di nanganak 💕 Deserve na deserve mo lahat ng opportunities and blessings na dumadating sayo ☺️
Ella Merel De Vera: “Ganda ng edit ng vlog mo for today’s bidyow ate Vien! Congratulations on your first modelling gig!”
Ressie Kyo: “Mommy vien!!! Super bagay sayo maging model! My gosh habang tumatagal paganda ka ng paganda!”
Watch the full vlog below:
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.