Talaga namang excited na sa pagdating ng kanyang unica hija ang Team Payaman Wild Dog na si Marlon Velasquez Jr., a.k.a Junnie Boy.
Dahil likas kay Junnie Boy ang pagkahilig sa paglalagay ng tattoo art, hindi nito pinalampas ang pagkakataon na ipa-tattoo sa kanyang katawan ang pangalan ng bunsong anak na si Baby Viela.
Matatandaan na inanunsyo ng mag-asawang Junnie Boy at Vien Iligan-Velasquez ang pagbubuntis sa ikalawang supling matapos ang kanilang anibersaryo noong Abril ng kasalukuyang taon.
Noong Hunyo naman, inabangan ng netizens ang gender reveal ng inaasahang bunsong kapatid ni Mavi Iligan-Velasquez.
Labis ang tuwa ng mag-asawang Junnie-Vien at kapwa Team Payaman members nang malaman na babae ang kasarian ng ikalawang supling ng nasabing Team Payaman couple.
“It’s a girl! Thank you Lord sa regalo niyo sa aming pamilya. Binigyan niyo po kami agad ng babae,” pagpapasalamat ni Mommy Vien.
Sa ngayon, excited na ang lahat sa paglabas ng bagong miyembro ng Team Payaman na si Baby Viela Iligan-Velasquez na inaasahang ipapanganak sa susunod na buwan.
Bilang paghahanda, ngayon pa lang ay naisipan na ng nakababatang kapatid ni Cong TV na ipagdiwang ang pagdating ng kanyang unica hija. Ito ay sa pamamagitan ng pagdadag ng tattoo sa kanyang katawan.
Sa kanyang bagong vlog, ibinahagi ng 28-anyos na vlogger na ipina-tattoo nya ang pangalan ni Baby Viela bilang simbolo ng kanyang pagmamahal para rito.
Buong tapang na ipinakita ni Junnie sa netizens ang kanyang bagong tattoo na naglalaman ng initials ng pangalan ng kanyang bunsong anak . Katabi nito ay ang nauna na nyang tattoo sa initials naman ng kanilang panganay na si Mavi.
“Nagpa-tattoo ako guys, Von Mavi Iligan Velasquez. Ngayon, A-V-I-V,” pagbabahagi ni Junnie.
Kasunod nito ay isiniwalat na rin sa publiko ng Junnie-Vien couple ang buong pangalan ni Baby Viela.
“So ngayon nag-isip kami, ano kaya magandang first name ni Viela? Habang nandirito kami sa Siargao, napaag-isipan namin na lahat ng gala namin, puro dagat. So yung letter A na pangalan niya ay Alona Viela Iligan Velasquez,” paliwanag ni Junnie.
Dagdag pa nito: “Lagi kaming nasa dagat, so ang nickname namin sa kanya ay ‘Alon.’”
Watch the full vlog below:
Isinama ni Vien Iligan-Velasquez ang mga manonood sa Tanay trip ng kanilang pamilya sa kanyang…
Isang masaya at hindi malilimutang offroad adventure ang hatid nina Ninong Ry, Cong TV, at…
Isang masayang balita ang hatid ng mag-asawang Kevin Hermosada at Abigail Campanano-Hermosada sa kanilang mga…
Nagsanib-pwersa ang Team Payaman cook na si Dudut Lang at aktor na si David Licauco…
Hindi matatawarang mga reaksyon mula sa kanyang mga Tito at Tita ang natanggap ni Ulap…
Many people continue to look for effective ways to manage common underarm concerns such as…
This website uses cookies.