Kilala si Viy Cortez sa kanyang pagiging pursigido na makapundar ng mga kagamitang tiyak na magagamit ng kanyang mga pamilya, kaibigan, at mga empleyado.
Sa panibagong pagkakataon, nakapag pundar muli ang 26-anyos na vlogger ng kanyang bagong sasakyan na binasagan nyang “artista van.”
Sa kanyang bagong vlog, buong galak na ibinahagi ng VIYLine CEO ang kanyang bagong pundar na sasakyan na katas ng kanyang pagsisikap.
Kasama ang longtime boyfriend nitong si Cong TV, ibinida ni Viy Cortez ang laman ng kanilang bagong biling van na balot ng khaki-cream na disenyo.
Bago pa man simulan ni Viviys ang kanyang artista van tour, binigyang linaw ng vlogger na bago bumili ng bagong sasakyan ay buong puso nyang pinakawalan ang kanyang lumang van upang mapakinabangan muli ito ng susunod na may-ari.
Pagkabukas ng pinto ay bumungad ang two-seater captain seat na nagsisilbing “trono” ng YouTube power couple.
Kakaiba ang atake ng bagong artista van ni Viviys dahil taglay nito ang built-in TV at speakers na swak na swak sa mahahabang byahe o di naman kaya ay pampalipas-oras ng unico hijo nitong si Baby Zeus Emmanuel Cortez Velasquez, a.k.a Kidlat.
“Ang pinaka-nagustuhan ni Cong ay ito [automatic window], so pag nagpapa-suso ako guys, hindi na niya ako kinukurtinahan,” paliwanag Viviys.
Ibinahagi rin ng first-time mom na kumpleto ang kanilang van ng mga lagayan ng gamit ni Baby Kidlat , dahilan upang mas maging komportable ang kanilang byahe.
Hindi rin nawala sa listahan ang pagkakaroon ng portable WiFi router upang madali pa ring makasagap ng signal, makapag-trabaho, o hindi kaya’y makapag-libang ang mag-anak sa bawat lakad nito.
Ipinagmamalaki rin nina Viy at Cong ang pagkakaroon nito ng virtual assistant technology o mas kilala bilang “Alexa.”
Bukod rito, kumpleto rin sa appliances ang artista van ng CongTViy couple na sakto sa kanilang pangangailangan kapag umaalis ng kanilang tahanan.
“Ang pinaka-best [na appliance] sakin is itong ref, kasi kapag umaalis kami, may dala akong pasteurized [milk] ni Kidlat,” dagdag pa ni Viy.
Syempre, hindi kumpleto ang isang artista van kung walang built-in comfort room. Ipinakita pa ni Cong TV ang kanyang magiging pwesto kung sakali mang abutan sya ng tawag ng kalikasan habang nasa byahe.
At syempre, hindi pinalampas ng 30-anyos legendary vlogger na masubukan ang built-in karaoke ng kanilang bagong sasakyan. Agad-agad itong kumanta na siya namang ikinatuwa ni Viy Cortez.
Watch the full vlog below:
Isang simpleng family trip sa Japan ang naging pagkakataon ng Team Payaman mom na si…
Isang masayang pagbabalik-tanaw sa kabataan at mga kwentong puno ng tawanan ang hatid ng bagong…
Mas pinainit ang pinakabagong episode ng Galit-Galitan Podcast ng social media personality na si JB…
Bago isalang ang kanyang Baby Austin, sumangguni ang soon-to-be daddy na si Kevin Hermosada kina…
Isang hindi inaasahang surprise guest ang bumulaga sa Team Payaman member na si Dudut Lang…
As Viyline and Team Payaman Fair 2026: VIYond the Beat take the spotlight, a moving…
This website uses cookies.